fredag 8. februar 2008

Overskya




Overskya med lette regnbyger. Vi har hatt ein maks temperatur på 8,7 grader i dag.

Vêr data siste døgn:
Nedbør: 9,3 mm.
Vindstyrke (målt i Svehaugane): Max 10,9 m/s.
Maks/min temperatur: 8,7/3,8 grader.
Barometer trykk: 1013 hPa.

Uvêr 8. februar 1954: Den engelske trålaren Laforey forliste med alle mann natt til 8. februar i 1954. Redningsskøytene Fredrik Langaard i Florø og Christian Børs i Kalvåg fekk melding klokka 1 om natta over Florø radio. Trålaren hadde sendt ut naudsignal, men hadde vanskeleg for å oppgje posisjonen sin og meinte den var ved Ytterøyane. Det var sterk kuling og svær sjø, skya og dårlig sikt då redningsskøytene gjekk ut. Fredrik Langaard leita ved Ytterøyane, men såg ingenting og gjekk inn til Kinn. Då det lysna av dag, melde Christian Børs at den hadde komme opp i ein oljeflekk og mindre vrakrestar ute med Sendingane. Fredrik Langaard gjekk også dit, og fann trålaren forlist med kjølen i veret. Redningsskøyta låg der lenge og bles i fløyta i fall nokon av mannskapet skulle komme opp på holmane, men det var ikkje teikn til liv. Det var ikkje råd å komme i land med dekksbåten i den tunge sjøen. Ein rekna det som umogeleg at mannskapet på trålaren kunne berga seg i livbåtane inne mellom brota. 20 engelske fiskarar kom vekk denne vinternatta ute ved Sendingane.

Utdrag frå sogneprest Korens private dagbok i 1860 åra:

8. februar 1865: "I dag reiste de fleste Nordfjordinger herfra, somme til Kinn, somme nordefter. Det var i dag kun faa som fik sild av nogen betydenhet."

8. februar 1869: "Her er arbeide med at bjerge store garnvælter, som er kommen drivende nordover fra Kinn og Batalden. De fleste fiskelag her omkring ligge endnu hjemme og er i uvished, enten de skal reise sørover til Kinn eller nordover til Nordfjord."

Ingen kommentarer:

Legg inn en kommentar