søndag 23. januar 2011

Regn






Regn og skodde.

Sildefiske i 1860 - åra, utdrag frå Fiskarsoga for Sogn og Fjordane:

23. januar 1866
melde silda seg den nordvest av Gåsøy ut for Frøya. Uvêret gjorde at det ikkje vart noko større fiske før den 27. januar, den dagen tok dei 20 000 tønner. Alt den 31. januar var Frøyfisket slutt, med tilsaman 43 000 tønner.

23. januar 1868 tok sildefisket til samstundes ved Frøya og ved Sendingane. Men så kom det uvêr, og det einaste dei nådde som slapp ut og setja, var at dei misste garna. Den 31. januar var det ein stogg i uvêret, og då for folket frå Kalvåg til Kinn og Batalden, då Frøyfisket ikkje plar vara så lenge.

23. januar 1869 tok fisket til ved Frøya. Den 25 og 26. januar fekk dei sild nærare land, men det var mykje sei og silda gjekk tynt. Dei fekk ikkje opp meir enn 3 000 tønner. Fiskarane trudde at det var ein liten stim som seien hadde hadde jaga under land. Den 29. januar merka dei sild ved Stemneskjæret, og no tok folk til å fara frå Kalvåg til Batalden. Men så kom det uvêr og det var ikkje råd korkje til fiske eller flytting.

Vêr data siste døgn:
Nedbør: 8,4 mm.
Vindstyrke (målt i Svehaugane): Max 8,9 m/s.
Vindretning: NV.
Maks/min temperatur: 6,1/4,2 grader.
Barometer trykk: 1024 hPa.

Ingen kommentarer:

Legg inn en kommentar